Frute cjatade muarte vuê di matine a Prate di Pordenon

Sconciert inte comunitât di Prate di Pordenon pe muart di une frute americane di 12 agns: i siei gjenitôrs le àn cjatade cence vite vuê di matine intal jet. La frute, atlete che e zuiave intune scuadre di football american, domenie passade e jere lade intal Pront socors dopo che e veve cjapade une bote, ma e jere stade mandade a cjase. La muart e podarès jessi leade a une embolie polmonâr. E sarà la autopsie, za decidude dal Pm Urban dal Tribunâl di Pordenon, a sclarî la cause de muart. (a.d.g.) – 05.03.2024