35
Tor des 7.40 di vuê di buinore une moto che e lave bande dal centri di Udin, cun parsore doi zovins, si è dade cuintri di une auto vuidade di une siore di 54 agns di Cjampfuarmit che e rivave di che altre bande, li de crosere tra vie delle Scienze e vie Cotonificio.
A fasi plui mâl al è stât il vuidadôr de moto, un fantat di 17 agns di Reane che al è colât a tiere, intant che la fantate sentade daûr no si è fate nuie.
Sul puest a son rivâts i sanitaris cun dôs ambulancis, i Vigjii dal fûc e une patulie de Polizie locâl. Il student al è stât puartât tal ospedâl indulà che al è ricoverât par vie di cetancj traumis. (a.d.g.) – 04.11.2025
