Frontâl mortâl su la strade tra S. Foche e Vivâr

E je muarte vuê di matine tal repart di terapie intensive di Udin Carmen Benvenuti, 54 agns di S. Lenart  che îr dopomisdì e jere restade feride in maniere grivie par vie di un scuintri frontâl cuntune auto che e rivave de bande contrarie, vuidade di une femine di 53 agns S. Quarin che inte machine e veve ancje la fie di 17 agns e un nevodut di 3 agns; nissun di lôr al è in pericul di vite.

La puare femine e jere stade rianimade plui voltis prime di jessi puartade cul elicotar a Udin. La procure di Pordenon, daspò dai aciertaments dai carabinîrs di Spilimberc, e à decidût di meti sot secuestri ducj e doi i mieçs. (a.d.g.) – 16.12.2025