188
A Udin al scomence joibe ai 8 di Setembar la vincjesime otave edizion di “Friuli Doc”, la fieste che e celebre il teritori. Il gnûf messaç che chest an al va daûr dal logo tradizionâl de manifestazion al è “Udin ti invide a celebrâ il gust di stâ insiemi”. La cerimonie di scree in place Libertât, aes 5 e 30 dopomisdì, cun ospit speciâl il sienziât udinês di innomine internazionâl Mauro Ferrari, e tacarà in maniere uficiâl “Friûl Doc 2022”, che fin a domenie ai 11 al ufrirà intes viis e placis plui bielis dal centri il miôr de enogastronomie e lis ecelencis furlanis cun bancuts, esibizions di “show cooking”, incuintris, concierts, areis di cerce, laboratoris, mostris e esposizions. (A.I.) – 07.09.2022
