Corot pe sparizion di bonsignôr Franco Frilli, muart a 86 agns intal ospedâl di Udin, dulà che al jere stât ricoverât di pôc.
In bande dal so rûl intal mont de glesie, al jere stât a dilunc impegnât in ambit academic, vint ancje la incarghe di Retôr de Universitât dai Studis di Udin dal 1983 al 1992 e vint dopo la onorificence di professôr emerit dal Ateneu dal Friûl.
Nassût a Triest intal 1936, Frilli si lauree intal 1958 in Siencis agrariis ae Universitât Catoliche dal Sacri Cûr di Piacenza. Al è stât ordenât predi intal 1963 a Novara: po dopo, intal 2000, al è stât incancarât inte Arcidiocesi di Udin. Intal 1979 si à trasferît ae di pôc nassude facoltât di Agrarie di Udin, dulà che al deventà ordenari di Entomologjie agrarie; in timps diviers, al jere stât ancje docent di apiculture e bachicolture, di Zoologjie gjenerâl agrarie e di Difese dai aliments dai animâi che a infestin. Al è stât ancje president dal Ent regjonâl pe promozion e il disvilup agricul (1993‐1997) e dal Centri dai servizis agrometeorologici dal F-Vj (1994‐1998).
Ai 3 di Mai dal 1992 al à acompagnât Pape Giovanni Paolo II inte visite al pôl sientific che al à vût la benedizion dal pontefiç.
Intal 2017 al veve partecipât ae cerimonie di inaugurazion dal 40 esim an academic dal Ateneu di Udin, che i veve assistût ancje il Capo dal Stât Sergio Mattarella. (A.D.G.) – 5.01.2023
