I carabinîrs de stazion di Martignà a àn fat finî une fraude fate di trê personis che a vierzevin contrats pe furnidure di energjie eletriche cence che il titulâr al savès nie, cul fin di sglonfâ lis provisions .
La investigazion e je tacade daspò che il dirigjent di une aziende impuartante dal setôr al veve presentât une denunzie parcè che int scognossude e stave fasint contrats doprant il non de sô societât, fasint finte di lavorâ par ie, tant che a vevin inviât lis proceduris par ativâ cetantis utencis eletrichis, par dopo cjapâ i bêçs des provisions lassant ae int che no saveve nuie il pinsîr di paiâ boletis rivadis sui cont corints.
I trê fraudadôrs, di 23, 489 e 67 agns a son stâts cjatâts in Campanie e cumò a varan di rispuindi des lôr malefatis ai judiçs. (a.d.g.) – 30.04.2026
