Sul telefonin di un om di 38 agns di Tarvis al è rivât un messaç di Poste Italiane che lu visave che sul so cont corin a jerin stadis fatis operazions fraudolentis e di clamâ daurman un numar. I à rispuindût il fraudadôr che si è presentât tant che un agjent de Polizie postâl di Torin che al à rivât a convinci la vitime a fâ bonifics par cuatri mil euros. Po dopo l’om al à capît die jessi stât freât e al à presentât une denunzie ai carabinîrs.
Cheste e je par cumò la vitime plui zovin daspò de schirie di fraudis che a àn cjapat di smire soredut vielis. La racomandazion e je simpri chê: nissune fuarce dal ordin, bancje, assicurazion, studi legâl o cuissà ce altri a clamin al telefon par domandâ bêçs e al è miôr clamâ daurman il 112 prime di tirâ fûr bêçs. (a.d.g.) – 06.02.2026
