Fradi e sûr di Çarvignan arestâts dopo che a àn cjatât droghe in cjase lôr

da Alessandro Di Giusto

Inte lôr abitazion di Çarvignan i Carabinîrs a àn cjatât plantis di cannabis, marihuana e metadon pront ae vendite. In manetis a son finîts un om di 54 agns e sô sûr, di 4 agns plui zovine. La ‘Bande dai fradis’ e je stade arestade in flagrance di reât pe detenzion di sostancis stupefacentis pai fins di spaç.

La percuisizion, fate ancje cul aiût dai cjans antidroghe, e à permetût di cjatâ 700 grams di marihuana, 4.800 miligrams di metadon, di là di dute la strumentazion necessarie pe culture des plantis di cannabis.

La investigazion e je partide di une ativitât di racuelte e analisi di elements informatîfs, che a àn permetût la emission dal decret di percuisizion domiciliâr. I doi, dopo lis operazions di foto segnalament, a son stâts puartâts intes presons di Udin e di Triest, a disposizion de autoritât judiziarie. (a.d.g.) – 05.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui