Forsit al cirive di robâ ram il zovin sfulminât a Udin

Al è ricoverât in cundizion griviis tal Centri grancj ustionâts il zovin di 24 agns che îr tal dopomisdì al è restât sfolmenât dentri de ex gjave Vidoni di Udin. Il fantat, citadin talian, daspò di un prin traspuart tal ospedâl di Udin, al è stât trasferît di urgjence tal centri specializât padoan.

Intant lis investigazions de Polizie di Stât a vadin indenant par capî la dinamiche dal fat. La atenzion dai investigadôrs si concentre suntune cabine eletriche dentri dal implant bandonât, che la sô puarte e je stade sfuarçade. La ipotesi plui increditade e je che il zovin al fos rivât in vie Emilia cu la intenzion di robâ ram, e che al vedi tocjât cablis ancjemò sot tension. (a.d.g.) – 09.07.2026