Fondazione Aquileia: domandade al Ministeri une proroghe pe scjadince dal 2028

La cuinte comission (culture) de Regjon F-Vj e à visitât la Fondazione Aquileia, che e gjestìs 22 etars di areis archeologjichis, e à dât acet a 30 mil students di dute Italie di Zenâr a Mai e e à invistît 15 milions di euros tra struturis museâls, percors di colegament e acuisizions diretis. Il prossim pas al sarà la ristruturazion di palaç Brunner, dentri de fin dal 2024, dulà che si cjatarà la sede de fondazion. Dutis i dôs lis parts a son dacuardi su la dibisugne di risolvi lis criticitâts esistentis, tacant de durade de fondazion, che e scjât tal Març dal 2028 e par chest al è stât domandât al Ministeri un sprolungjament che al consinti une programazion di lunc periodi, simpri cu la poie de Regjon. Cul Ministeri al va frontât ancje il teme dal mancjât passaç dal Museu archeologjic nazionâl e dal Museu paleocristian ae Fondazion, che e darès une regjie e une vision uniche inte gjestion dai principâi lûcs archeologjics. (A.I.) – 27.09.2023