Un apartament al tierç plan a Mugle al à cjapat fûc sot sere tor des dîs dai 16 di Jugn. Sul puest, a son rivâts i pompîrs de citadine, adun cuntune autobote e la autoscjale, par podê intervignî intal imobil di cuatri plans. Par fortune nissun al à patît dams.
Lis flamis a vevin za fiscât dut l’apartament, ma i vigjii a àn rivât daurman a studâlis prime che a cjapassin il rest dal condomini. I residents a jerin za jessûts fûr di bessôi, ma doi di lôr, visitâts dal personâl sanitari, a son stâts puartâts tal ospedâl parcè che a vevin inalât i fums. Lis causis dal fûc a son sot investigazion e lis operazions di bonifiche e metude in sigurece a son ladis indenant par dute la gnot. Sul puest ancje une patulie de Polizie di Stât. (a.d.g.) – 17.06.2026
