Dilunc dai controi fats dal nucli di Polizie comerciâl de Polizie locâl di Udin a son stâts scuvierts trê fitecjamaris dal dut abusîfs. Lis investigazions a jerin tacadis daspò che cetancj residents a vevin segnalât il va e ven di turiscj cu la valîs e a son stâts fats une schirie di controi sul lis plui impuartantis plateformis in linie di prenotazion pai turiscj.
Daspò i agjents a son lâts a control tai apartaments, cjatant ospits. Al è saltât fûr che si tratave soredut di int che e rivave di altris regjons talians e che si fermave di solit par no plui di une setemane. I apartaments, un gjestît di un rus e doi di talians, a jerin publicizâts come alozaments turistics cence vê nissune autorizazion o regjistrazion.
Pe violazion dai oblics di ve il Codiç identificatîf nazionâl e di vê fate la segnalazion di tacade ativitât. A son stadis fatis multis par 13mil euros cu la segnalazion al ufici competent parcè che al pandi fûr la ordenance di bloc de ativitât. E cumò lis investigazions sui parons dai apartaments a saran fatis ancje de Agjenzie des Jentradis. No je la prime volte che i controi a tirin fûr int che no declare nuie parcè che dilunc di chest an e jere stade scuvierte une altre ativitât di fitecjamaris no regolâr. (a.d.g.) – 11.11.2025
