A son finîts i lavôrs dal prin lot de manutenzion ordenarie par difindi rivis e arzins dal riul Patocco a Buri, opare di competence dal municipi che e coventave par prevignî i dams fats dai inagaments.
I lavôrs a àn permetût di da une netade al riul, che no si faseve di timp, par lassâ libare di cori le aghe che e ven jù de culine di Buri.
“Lis ploiis une vore fuartis dai ultins agns – al à sotlineât il vicesindic Tiziano Venturini – a domandin une fuarte atenzion par fâ in mût che no sedin dams e pericui pe int e par chest o vin cjapat part a un bant de Regjon tal 2024 che nus à cussì dât un contribût di 90 mil euros”.
Un altri contribût, simpri di 90 mil euros, al è rivât tal 2025: cun chei bêçs a vignaran completâts ducj i lavôrs di manutenzion ordenarie sul riul, inte seconde part di chest an. (a.d.g.) – 20.02.2026
