Fiis di emigrants furlans ae Universitât dal Friûl

A son 12 i zovins argjentins e brasilians di origjin furlane che a partecipin al cors di perfezionament “Valori identitari e imprenditorialità” che la Universitât dal Friûl e à screât vuê, lunis ai 12 di Jugn a Palaç Florio. E je la decime cuarte edizion dal progjet formatîf e sientific sul rûl de lenghe taliane e furlane intes comunitâts di coregjonâi in Argjentine e in Brasîl e su la ricjece e diversitât plurilengâl e culturâl dal Friûl-Vignesie Julie. Obietîf dal cors al è chel di favorî e consolidâ il sburt identitari che al caraterize lis gjenerazions zovinis di dissendents di emigrâts talians intal mont par riativâ l’interès viers la Italie e il Friûl, disvilupant une culture vierte ae inovazion. (A.I.) – 12.06.2023