Fieste pai dîs agns de “Tiepolo”

Fieste pe Academie di bielis arts “G.B. Tiepolo”, la plui impuartante scuele privade di art e dissen a nivel universitari di dut il teritori. Nassude tal 2016, in relazion cul teritori za a tacâ dal non, e rapresente un leam cul grant passât de art, ma lavorant in maniere moderne, doprant lis gnovis tecnologjiis e creant daurman un contat cu lis aziendis dal teritori, a pro dai students e dal lôr avignî professionâl. Par celebrâ i prins dîs agns di ativitât, vinars ai 13 di Fevrâr e sarà fate une cerimonie publiche pe scree dal gnûf an academic: in program ancje la premiazion dai students che tal 2025 a àn sierât il lôr percors academic cun merit. Il complean al rive intun moment di grande incressite de “Tiepolo”: propit pal event dai 13 a saran screâts i gnûfs spazis de scuele, in viâl Ungheria. (A.I.) – 12.02.2026