La polizie di Udin e je intervignude dopo che e veve cjapade la segnalazion di une femine che in Cuesture e veve domandât jutori parcè che la sô amie e pative violencis de bande dal fi di 60 agns.
A son cussì tacâts daurman i controi tant che i agjents a àn ancje percuisît la abitazion indulà che al viveve l’om za cognossût par vie di reâts cuintri des personis e dal patrimoni. Te cjase a son stâts cjatâts un pugnâl doprât dal om e par menaçâ la mari e ancje un taiecjartis che cun chel l’om al veve dât cuintri ancje ae amie de mari.
Lis armis a son stadis secuestradis e l’om di 60 agns denunziât par minacis ingriviadis, violazion di domicili, violence privade e detenzion abusive di arme. Il Cuestôr di Udin al à ancje pandût fûr il proviodiment dal amoniment par violence domestiche cuintri dal om che dopo al è stât slontanât de abitazion. (a.d.g.) – 29.08.2025
