A vevin ordenât de Olande une butilie di mieç litri di Glb – Gamma Butirrolattone, clamade ‘ droghe dal stupri’, ma a son stâts scuvierts e arestâts de Polizia di Stato di Pordenon.
I agjents de Squadra Mobile, dulinvie di une plui largje ativitât pal contrast de spedizion di droghe cun spedizions a mieç corîr, pratiche une vore comun tra i zovins, intes setemanis passadis a àn intercetât un pac suspiet diret a un cognossût centri di spedizions e indreçât a doi zovins, un operari di 24 agns e un student universitari di 23 agns, residents intal Friûl Ocidentâl.
I doi a son stâts pedinats e fermâts pôc dopo ve ritirat il pac, che dentri al veve la butilie de droghe prodote in Olande. Lis analisis fatis intai laboratoris de Polizie sientifiche a àn confermât che, in graciis dal contignût, al sarès stât pussibil gjavâ plui di 900 dosis. (ADG) – 11.11.2022
