La Polizia Stradale, par contrastâ il superament dai limits di velocitât, al destine in maniere fisse servizis smirâts di control. Cussì sabide di matine une patulie di Palme, traviers il dispositîf “Provida”, strument di control che al misure la velocitât dai veicui in autostrade cun modalitât “a inseguiment”, e à cjapât e fermât une potente Bmw cun targhe svuizare che, dilunc il trat dal A4 tra Tisane e S. Zorç di Noiâr, al viazave a une velocitât di 192 chilometris ae ore, passant di plui di 60 chilometris oraris il limit.
Al conducent, traviers il visôr instalât ta veture di Polizie, e je stade mostrade la regjistrazion des imagjins e la velocitât rilevade de aparecjadure. Maraveât, al citadin svuizar nol è restât altri che paiâ la multe di 543 euros e consegnâ daurman la proprie patente di vuide pe sospension. (ADG) – 28.11.2022
