Femine si rivolte cuintri dal om violent e e clame la polizie

I agjents des scuadris di pront intervent de Cuesture di Udin, inte serade di martars ai 15 di Novembar, a àn arestât par maltrataments bande la compagne un citadin marochin di 29 agns, resident in citât.

Tor lis 6 e mieze di sere si son presentâts a cjase de cubie, dopo che la femine disperade e veve telefonât par domandâ aiût. I polizais le àn cjatade une vore agjitade, in lagrimis e cun feridis al nâs e sul cerneli.

In cjase, dulà che la fie a pene nassude e durmive intune scune, i agjents a àn cjatât ancje l’om, intun stât di alterazion par vê bevût e ancje la sûr de femine. (ADG) – 24.11.2022