Tragjedie teribil a Tisane, inte frazion di Perteade, indulà che un om, Luigi Codotto, di 80 agns, su la fonde des primis informazions, al à copât cuntun manarin la sô femine, Luigia Rossi di 78 agns, e daspò si è gjavade la vite doprant un curtis. Lis dôs vitimis a lassin trê fîs.
I cuarps a son stâts cjatâts vuê di matine di une parint, jentrade dentri cjase indulà che si è cjatade denant a une spaventose. Su la fonde des primis investigazions fatis dai carabinîrs di Tisane, il vieli al varês batût plui voltis la femine tal cjâf cul manarin copantle daurman. Pôc dopo al varès cjapât su un curtis e si è copât.
“Ce che al è sucedût – al à dit il sindic di Tisane Lanfranco Sette che al à palesât vicinance ae famee – e je une tragjedie che e sta batint dute la nestre comunitât. E jere une famee normâl che no veve mai vude bisugne di clamâ i servizis sociâi”. (a.d.g.) – 22.01.2026
