Femine di Udin vitime di une rambade

Une femine di Udin vitime di une rambade intune strade laterâl di viâl Palmanova, tra vie Treviso e vie Longarone. Il fat al è sucedût ai 4 di Març tor des 6.30 dopomisdi’, cuant che une femine di 40 agns cuntune tressadure fuarte si è svicinade ae siore devant di cjase sô cu la scuse di domandâi cualchi informazion. Dopo fevelât un pôc, la lare i à domandât se e podeve abraçâ la vitime cu la scuse che i ricuardave la none muarte. Dome il dì dopo la siore si è inacuarte che cun chel strani abraç la lare i veve robât la cjadenute di aur e ancje la vere dal so puar om. (a.d.g.) – 08.03.2024