22
Une femine di 82 agns e je stade puartade tal ospedâl Santa Maria degli Angeli îr sot sere, dopo vê respirât il fum di un fûc che si jere impiât pôc prime tal so apartament, intun condomini di vie Colvera, a Pordenon.
Lis flamis si son impiadis pôc dopo lis dîs di sere intal apartament al prin plan dal edifici. Al podarès jessi che che la siore intimpade e vedi lassat colâ ju cinise suntun materàs che al à cjapât fûc in pôc timp.
I Vigjii dal fûc a son stâts clamâts daurman sul puest, rivant cun doi veicui. Metûts sù imprescj di protezion i pompîrs a son jentrâts tal apartament e a àn cjatât intun lamp la femine, che e je stade scortade fûr e consegnade tes mans dai sanitaris. (a.d.g.) – 22.01.2025
