Femine cjapade sot sul passaç pedonâl a Davian

Une siore di 35 agns di origjin africane che e vîf a Davian e je stade tirade sot di une auto, intant che e stave cjaminant dilunc dal passaç pedonâl in vie Pordenone, dongje dal Hotel Doimo, vuê di matine. La auto e jere vuidade di une citadine americane che e lavore inte base e dal centri di Davian e stave lant bande Lavorêt.

La vitime e je stade sbalçade a metris di distance: sul puest a son rivâts in pôc timp i sanitaris dal 118 cuntune ambulance, la auto mediche e l’elisocors, di là dai vigjii dal fûc. La vitime e je stade puartade tal ospedâl di Pordenon, ma no sarès in pericul di vite. (a.d.g.) – 27.03.2026