150
Infortuni grâf, cheste matine, a Ramusiel di Siest. Pôc dopo lis 8 di matine, une femine di 50 agns, socie de cantine, e je stade cjapade sot di un camion sul plaçâl de aziende.
Il mieç al jere daûr a fâ retromarcje e forsit il vuidadôr no si è acuart de presince de lavoradore. La femine, restade incjastrade, e je stade diliberade dai Pompîrs dal distacament di Sant Vît doprant cussins solevadôrs a aiar comprès e curade dal personâl sanitari, rivât sul puest cu la ambulance e l’elisocors; dopo vêle stabilizade, la feride e je stade trasferide in svol, in cundizions seriis, intal ospedâl di Udin. Sul puest, pes investigazions, i Carabinîrs di Cordovât e la Polizie Locâl di Siest. (ADG) – 13.09.2022
