Une femine di 32 agns, Arianna Hudorovich, e je stade blocade dai carabinîrs di Gonârs; e je acusade di vê robât, tra Novembar e Dicembar dal an passât in cetantis autos. Par di plui cui bancomat e lis cjartis di credit robadis, e varès tirât fûr bêçs in cetancj sportei dal bancomat in Friûl.
Lis investigazions a son tacadis daurman dopo di un tentatîf di robarie intune auto cu la roture di une barconete, che la Hudorovich e varès fat adun cuntun compliç intai prins dîs di Novembar a Sudri. I carabinîrs di Tumieç a àn rivât cussì a tirâ dongje indizis su la responsabilitât de femine ancje pes robariis fatis dentri autos parcadis a Çarvignan, Aquilee e S. Zorç di Noiâr, dal valôr di miârs di euros.
Inte cjase de Hudorovich, cuntune percuisizion, e je stade cjatade part dal malcjolt. La femine si cjate cumò ai arescj domiciliârs. (a.d.g.) – 17.04.2024
