Femine assaltade îr sot sere intant che e tornave a cjase a Udin

Une femine di 35 agns che e vîf a Udin e  je stade assaltade îr sot sere dongje de sô abitazion in vie Rauscedo. Un zovin somali di 23 agns cence cjase le à blocade di daûr e le à pacade. La siore si è ribelade e e à rivât e recuperâ la borsete che il delincuent i veve puartât vie cun dentri telefon e tacuin, fasint scjampâ l’agressôr, par dopo clamâ daurman il 112. Al operadôr de centrâl operative dai carabinîrs la femine e à ancje furnît une descrizion precise dal om, tant che i militârs dal Nucli radiomobile a àn rivât in pôcs minûts a cjatâ il rapinadôr e a arestâlu.

L’om daspò al è stât puartat in curt te preson e al è a disposizion de autoritât judiziarie. (a.d.g.) – 06.02.2026