Fantate di 15 agns tirade sot a Udin devant di une scuele

Plui di cualchidun, ancje tra i students, al veve pôre che al podès sucedi alc par vie dai scherçs cu la aghe che si fasin intai ultins dîs di scuele un pôc dapardut.

Magari cussì no, vuê di matine a Udin, in viâl Monsignor Nogara, propri fûr dal istitût Bonaldo Stringher, une fantate di 15 agns che e stave cirint di scjampâ di une seglotade di aghe tirade di un compagn di scuele e je stade tirade sot di un autobus. L’autist dal mieç nol à viodût la zovine e le à cjapade in plen. Si è inacuart daurman dal fat e si è fermât par judâle. La fantate e je stade puartade tal ospedâl di Udin par fortune cence feridis griviis, par jê al è stât declarât il codiç vert. Sul puest i agjents de Polizie locâl. (a.d.g.) – 07.06.2024