Fantat di Purcie copât di une americane intun incident

Un fantat di 15 agns, Giovanni Zanier, al è stât cjapât sot  e muart te gnot jenfri sabide e domenie a Purcie. L’incident al è sucedût tor des 2.30 di gnot dongje di une taronde, dulà che il fantat si cjatave cun cualchi amì tornant in bici di une serade in discoteche. Une citadine americane di 20 agns, soldade de base Usaf di Davian, e à dât cuintri al zovin cu la sô veture mandantlu a metris di distance. Il zovin al è stât socorût daurman e traspuartât in ospedâl, ma lis feridis a jerin masse grivis e nol è stât nuie di fâ. La americane ae vuide de machine, strassunide pal colp, e je stade puartade tal ospedâl di Pordenon ancje pai aciertaments cul etilometri: par jê a son previodûts i arescj domiciliârs. (A.I.) – 22.08.2022