Extracomunitari arestât dopo che al veve dât fastidi a une fantate suntune coriere

Un om extracomunitari di 32 agns che al è a stâ in provincie di Bressie al è stât arestât cu la acuse di violence sessuâl par ve dât fastidi a une fantate di 19 agns suntun autobus di linie de Apt, il passat 29 di Avost, tor des 5 e mieze dal dopomisdì sul trat Monfalcon – Roncjis di Monfalcon.

Al somee che l’om, sentât dongje de zovine al vedi tacât a palpâle. La vitime e je restade calme ma e à daurman domandât jutori al autist de coriere che al à clamât il 112.

I carabinîrs che si cjatavin pôc lontan a àn rivât a blocâ l’agressôr. La fantate e à presentât denunzie cuintri dal om. (a.d.g.) – 11.09.2025