Espost ae Procure de Republiche su la murie di animâi inte Oasi dal Cuadris

Al è lât su la taule de Procure de Republiche di Udin e no dome il câs de Oasi dai Cuadris di Feagne. Il president de associazion, Gabriella Giaquinta, e à depositât un espost là che si domande di fâ lûs su la murie di une cincuantine di animâi causade de presince dal bateri dal botulin, scomençade ai 17 di Avost passât, a pôcs dîs di distance dal mancjât rinovament de convenzion che il Comun al veve fat intal 2016  par dâ la gjestion de aree ai volontaris de associazion “Amîs de Oasi”. Tra i problemis evidenziâts di Amîs de tiere la mancjade sostituzion di cualchi machinari indispensabil pe movimentazion de aghe di cualchi lât e il fat che il personâl impleât al sedi masse pôc e in plui impreparât par gjestî un numar tant alt di animâi aromai cuasi domestics. (ADG) – 6.10.2022