150
La stazion di For Disore dal Socors Alpin e i socoridôrs de Vuardie di Finance adun cul elicotar de Protezion civîl a son intervignûts chest dopomisdì, tra lis 13 e lis 15, a une cuote di 1.900 metris par socori doi escursioniscj forescj. Un om e une femine di nazionalitât spagnole, di 46 e 42 agns, che si jerin fats cjapâ dal panic dopo vê pierdût il segn dal troi che dal ripâr Flaiban Pacherini al va su viers Furcele dal Infier. Cence rivâ a cjatâ une vie di jessude, fermâts di une bande dai crets e di chê altre dai alaçs, i doi si son spaurîts clamant il 112. Cun lôr a vevin ancje un cjan labrador. (A.D.G.) – 22.08.2022
