Energjie masse cjare: variazions di belanç a Buri

Dôs variazions impuartantis di belanç a son stadis aprovadis intal ultin consei comunâl di Buri par frontâ ciertis tematichis urgjentis, prin di dut l’aument dai coscj energjetics. Si è proviodût si che duncje a adeguâ lis jentradis, par cuvierzi in part i auments e lis spesis. L’aument di presit dal cost de energjie al à obleât la aministrazion comunâl a intervignî cun plui di 100mil euros. Cu la seconde variazion di belanç, invezit, si è proviodût ae aplicazion de part restante dal avanz libar di aministrazion par fâ intervents urgjents, tant che il completament di lavôrs intal gnûf centri scolastic e pal cofinanziament di intervents su struturis comunâls, implants sportîfs, Palafeste, ecoplaçute… Par ce che al rivuarde la urbanistiche, la assemblee consiliâr e à aprovât la Variante 47, che e conten 12 domandadis di modificazion dal plan regoladôr. (A.I.) – 28.09.2022