Dentri des buteghis e je tacade une gnove schirie di incuintris pe prevenzion cuintri des fraudis . Cheste iniziative e je pensade soredut a pro dai consumadôrs e dai clients e al met a disposizion un moment di confront diret cui militârs de Arme par condividi esperiencis, ve informazions e imparâ cemût ricognossi i tentatîfs di fraude.
Si fevele des formis di fraude plui comuns, dai messaçs che a ingjanin aes e-mail di phishing, fintremai dai intervents fals di assistence e aes tecnichis dopradis tes telefonadis fatis par fraudâ. L’apontament prossim al è par joibe ai 18 di Jugn aes 10 di matine li dal spazi Enel di vie Savorgnana 15 a Udin, indulà che al sarà presint ancje il tenent colonel Ivano Bigica, comandant dal Repart Operatîf dal Comant provinciâl di Udin. (a.d.g.) – 16.06.2026
