Emergjence a Pordenon par vie de pierdite di gas intune coriere

Moments di pôre vuê di matine a Pordenon, indulà che in vie Montereale une coriere di linie e à tacât a pierdi gas. Il mieç al è stât fermat dongje de Agraria Paviotti, indulà che a son rivadis daurman cetantis scuadris dai Vigjii dal fûc, cun rinfuarçs ancje di Triest. Metudis in sigurece lis personis e je stade sierade la strade fintremai li de rotatorie su la Pontebane bande S. Quarin.

Forsit a provocâ il probleme a son stadis dôs valvulis. I pompîrs a àn svuedât li bombulis plenis di gas e dutis lis operazions a son ladis indenant cence altris problemis. (a.d.g.) – 10.11.2025