Un om in pension di 80 agns al è stat salvât vuê di matine dai tecnics dal Socors alpin e de Vuardie di finance doprant l’elicotar cu la binte. Il vieli al jere lât cuntun ami a cirî funcs inte zone di Castel Valdaier tra Liussûl e Paulâr, ma si jere pierdût.
Lom al veve un telefonin vecjo che nol podeve dâ la posizion e cussì al à dât a vôs lis indicazions par cjatalû ai pilotis tal moment che l’elicotar al passave juste parsore di lui.
Pôc dopo, tor de une e mieze dopomisdì, un altri intervent al è stât fat su la Mont Sante di Lussari dai tecnics dal Socors alpin di Rabil e de Vuardie di finance par socori une femine austriache che e veve batût fuart la muse dopo jessi colade. La feride e je stade puartade cuntune barele fintremai li de teleferiche par puartâle dopo jù. (a.d.g.) – 24.07.2025
