E va indenant la bonifiche sul Cjars dopo il fûc

E continue la bonifiche sul Cjars, inte zone brusade dal ultin fûc, sclopât sabide pôc dopo misdì, inte aree boschive daûr de stazion di servizi ‘Duìn Nord’ de A4.

Ancje se il fugaron aromai al è sot control, dopomisdì a si son impiâts gnûfs fûcs. I pompîrs, dopo vê operât dute la gnot par studâ l’impressionant fûc visibil îr ancje di cui che si cjatave in mâr lontan de marine, a son al lavôr cun nûf scuadris, supuartâts dal Cuarp Forestâl e dai volontaris antifûc boschîf de Protezion civîl, adun cui mieçs aeris, fondamentâi par contignî i gnûfs fûcs. (A.D.G.) – 08.08.2022