Il sindicât Sapol al à decidût di proclamâ un altri siopar dopo chel che tal principi al veve di jessi fat il di de Maratonina. Il gnûf siopar al sarà fat miercus ai prin di Otubar simpri pai stes motîfs che a vevin sburtât il sindicât a protestâ, ven a stai, come che al à visât il sindicât: “la mancjance di buinis dotazions di sigurece e dai struments di autotutele, intun contest operatîf urban simpri plui a risi alt”.
I assessôrs ae Polizie locâl e al Personâl di Palaç D’Aronco, Rosi Toffano e Andrea Zini daspò dal mancjât acuardi dilunc dai incuintris ae taule tecniche fats ai 17 e 19 di Setembar, a àn esprimût displasê e maravee pe decision dal sindicât di proclamâ il siopar: “La Aministrazion – e a dit Toffano – e je stade disponibil cun responsabilitât e spirt costrutîf par lâ incuintri aes domandis dal sindicât, ma nol è bastât”. (a.d.g.) – 22.09.2025
