Dutis lis capitâls europeanis de culture in regjon

A son 18 lis nazions presintis al 18f “Forum Internazionale dell’Euroregione Aquileiese”, che chest an, pe prime volte, si fasarà in trê dîs, dai 28 ai 30 di Setembar, in trê diviersis citâts: Udin, Triest e Gurize. Il forum organizât de Associazion Mitteleuropa dal president Paolo Petiziol al devente un apontament internazionâl par cimentâ lis fondis di une gnove colaborazion transfrontaliere tra lis capitâls europeanis de culture. In viste di GO!2025, là che Nova Gorica e Gurize a segnaran un esempli storic e virtuôs pe cooperazion tra citâts di confin, lis capitâls dal centri Europe si cjatin in regjon par trê dîs di lavôrs. In particolâr, a son stadis invidadis dutis lis capitâls de culture dal 2020 al 2026, che a cjaparan dentri di un banc di lavôr ancje 15 localitâts europeanis traviersadis di un confin. (A.I.) – 27.09.2022