Dusinte di lôr in file par vê il miedi gnûf a Palme

Al è stât cjapât di assalt vuê di matine il Distret sanitari di Palme, indulà che a si son metûts in fuile passe 200 citadins che a vevin bisugne di un miedi gnûf. Al jere fintremai cualchidun che al spietave des 5 dal cricà dal dî par podê fâ dutis lis pratichis denant dal sportel che al vierzeve aes 8 e mieze di matine.

Dilunc de matine a son stadis ancje protestis dai citadins che a àn scugnût frontâ la inciertece che e lave indenant di mês. Tacant di vuê e cjape servizi la dotoresse Serena Fichera che e cjape in man l’ambulatori che al jere dal dotôr Giuseppe Tellini, che al è lât in pension. (a.d.g.) – 16.03.2026