Dôs zovinis a sporcjin i mûrs: cjapadis in graciis des telecjamaris

Il personâl dal Comant di Polizie Locâl di Udin al à individuât dôs fantatis che a fasin grafîts che, intai prins dîs di Avost, a vevin cjapât di smire doi edificis di valôr storic inte zone di place Sant Jacum.

A incjastrâ lis dôs writer lis imagjins des telecjamaris e il control dai Social, che a àn permetût ai agjents di denunziâ lis dôs minôrs, di nazionalitât taliane.

I proprietaris dai imobii – al fâs savê il Comant de Municipâl udinese – a podaran cumò domandâ un risarciment aes fameis des zovinis responsabilis. (A.D.G.) – 30.08.22