Domenie ai 27 di Avrîl i carabinîrs dal nucli pe tutele dal patrimoni storic e culturâl di Udin a àn tonât indaûr ae glesie di S. Laurinç di Sauris Disore dôs statuis di len coloradis dedicadis a S. Domeni e S. Taresie fatis dal XVII secul e puartadis vie de glesie tal Mai dal 1969. Lis statuis, fatis te buteghe dai Comuzzi, scultôrs origjinaris di Glemone e une vore atîfs in Friûl e tal Cjadovri dilunc dal XVII secul, a jerin dopradis come ornament di un polittic di len, adun ad altris simpri fats sinte stesse buteghe.
Lis statuis a son stadis cjatadis in graciis des investigazions dai carabinîrs e de colaborazion internazionâl cun altris fuarcis dal ordin, tal mês di Otubar dal 2023 suntun sît austriac par vendi robe. Dopo vê controlât che si tratave propit des statuis robadis a Sauris Disore i carabinîrs a àn podût otignî la restituzion des dôs oparis di art. (a.d.g.) – 28.04.2025
