66
A son dôs lis sclesis incandessentis che a àn cjapât te schene Daniel Tafa, il zovin operari di 22 agns muart sul lavôr inte fabriche de Stm di Manià ai 22 di Març. Al è chest in struc il risultât de autopsie fate dai miedis legâi Lucio Bomben, incargât de Procure di Pordenon, e Antonio Cirnelli, clamât de famee dal zovin.
La muart, secont dal esam fat dai miedis, e je rivade par cause di une sclese che e à provocât feridis cussì griviis di copâlu tal polmon, tal cûr e intun rognon. Une seconde sclese e je rivade daûr intune nadie e ancje se e veve provocât la crevadure dal bacin, no sarès stade mortâl. Il zovin si sarès inacuart che al stave murint, ma nol podeve jessi salvât par colpe des feridis. (a.d.g.) – 01.04.2025
