Dôs mestris di une scuele in provincie di Gurize arestadis dai carabinîrs de Compagnie di Monfalcon parcè che indiziadis in maniere serie di maltrataments di minôrs dentri dal istitût scolastic. Lis investigazions, scomençadis intal Dicembar dal 2023 dopo une segnalazion par ripetûts tirons de bande di personâl docent cuintri di une frute cun disabilitât. Pes dôs mestris a son stâts decidûts i arescj domiciliârs.
I proviodiments a rivin ae fin di une ativitât investigative dificile, fate dai militârs de stazion locâl, coordenade de Procure de Republiche di Gurize. Lis investigazions a àn documentât diviers episodis di maltrataments bande de frute, dispès ancje devant dai altris fruts. La frecuence e intensitât des violencis, sedi fisichis – tal câs specific sburtadis, tirons e patafs – sedi psicologjichis, cun cridadis, peraulatis e imprecazions, a àn sburtât i incuirents a acelerâ lis ativitâts di investigazion. (a.d.g.) – 26.02.2024
