Dôs barufis tal Borc Stazion a Udin in mancul di 24 oris

Dôs barufis in mancul di 24 oris a Udin, in Borc Stazion. La ultime e je sucedude vuê tor des cinc dopomisdì, cuant che doi oms si son pacâts pôc prime che a rivassin i agjents de Polizie locâl, che cumò a stan lavorant par identificâ cui che a son i doi de barufe.

Une altre barufe e jere sucedude simpri dilunc di vie Leopardi îr di sere, cuant che doi afghans e doi pakistans si son pacâts cun pugns e pidadis. Sul puest i carabinîrs. Ducj i cuatri i forescj, dopo che i agjents a àn controlât lis lôr gjeneralitâts, a son stâts denunziâts ae autoritât judiziarie par barufe. (a.d.g.) – 02.04.2024