La Procure di Udin e à notificât a trê personis la domande di rinviament a judizi par vie de muart di Ledjan Imeraj, il zovin citadin albanês di 17 agns che al jere restât dentri de struture pai minôrs no compagnâts de cooperative Aedis a Pasian di Prât vie pe gnot tra il 30 e il 31 di Dicembar dal 2022.
Inte udience preliminâr previodude pai 7 di Mai, denant dal Judiç pe udience preliminâr Giulia Parussini, a saran presints il rapresentant legâl di Aedis Michele Lisco, il responsabil dal servizi di prevenzion e protezion de cooperative, Marco D’Ambors e Gianni Mainardis, titulâr de Sd Security Dealer. I trê oms, difindûts tal ordin dai avocats Paola Chialchia, Fabrizio Delle Vedove e Roberto Mete, a son imputâts par omicidi colpôs. (a.d.g.) – 17.03.2026
