Domandadis misuris urgjentis daspò de barufe a Lignan

A restin stazionariis lis cundizions dal zovin ferît ae albe di domenie a Lignan, cun probabilitât intune barufe tra une trentine di personis.

Di martars ai 12 di Lui si rinfuarce, tant che previodût, la presince de Polizia di Stato inte localitât balneâr, intant che par miercus al è previodût un vertiç dai responsabii dal ordin public.

Intant i operadôrs economics a domandin misuris urgjentis, tant che la interdizion dal acès ae splaze tes oris serâls, e une ordenance come che e je stade za adotade a Jesolo. (A.D.G.) – 11.07.2022