73
Teribil incident vuê di matine a Muçane, indulà che intun scuintri frontâl tra un furgon e une auto a son muarts Dimitri Zornik, di 37 agns, resident a Udin, e Enzo Lazzarini, 67 agns di Tisane. L’incident al è sucedût tor des 8.10 di matine dilunc de strade regjonâl 353 tal comun di Muçane.
A jessi cjapâts dentri dal scuintri une auto che e stave lant bande Cjasteons di Strade e un furgon che al rivave di chê altre bande. E je restade feride ancje une altre persone, di 50 agns di Prissinins, socorude e puartade di corse cul elicotar tal ospedâl di Udin.
Sul puest i sanitaris dal 118, i Vigjii dal Fûc di Udin, Tisane e Çarvignan e i carabinîrs de Radiomobile di Tisane. (a.d.g.) – 03.04.2025
