50
La Aministrazion comunâl di Udin e à aprovât il document di fatibilitât che al covente par lâ indevant cuntun plan une vore grant di ricualificazion de rêt pedonâl de citât, che al previôt intervents su marcjepîts, su lis pavimentazions e su lis jentradis, cuntune vore di atenzion ae eliminazion des barieris architetonichis.
L’invistiment al sarà di doi milions di euros par meti a puest ancje stradis e par fâ sù percors pedonâi che a puedin jessi doprâts di ducj i citadins in cetancj cuartîrs. (a.d.g.) – 08.05.2025
