68
A son stâts doi infortunis sul lavôr vuê di matine a Basilian e a S. Zorç di Noiâr. Il prin, a Basilian, al è sucedût dentri de Campco sistemi in vie Malignani, indulà che un operari par vie de esplosion di un machinari al è restat ferît in maniere lizere e al è stât socorût dai Vigjii dal fûc e dal personâl dal 118 che lu à puartat tal ospedâl par controi.
Chel altri infortuni al è sucedût inte aziende Mavra a S. Zorç di Noiâr, indulà che un lavoradôr al è stât pocât di un toc di fier pesant 20 cuintâi. L’om al è stât puartat tal ospedâl ma nol sarès in pericul di vite. (a.d.g.) – 04.03.2026
