Doi fantats blocats de nêf parsore Claut, salvâts cul elicotar

A son stâts tirâts su cu la binte dal elisocors vie pe gnot i doi zovins di plui o mancul 20 agns che îr sot sere a jerin restâts blocâts par vie de nêf a 1300 metris di cuote, inte zone Gjalinut a Claut, intant che a cirivin di rivâ li de casere da Mont Cornet.
I doi escursioniscj a vevin clamât il numar di socors 112 visant l’operadôr de Sores che no vevin problemis di salût, ma che a jerin in pinsîr par vie dal frêt e dal scûr.
I socoridôrs par rivâ indulà che si cjatavin i doi a varessin vût di fâ une cjaminade di passe trê oris e cussì al è stât decidût di clamâ in jutori l’elicotar che al pues svuelâ ancje tal scûr, che al à salvât i zovins e ju a puartats jù al sigûr. (a.d.g.) – 18.02.2026